Jac y Neidiwr

Impatiens glandulifera

Cynefin

Glannau afonydd, coedwigoedd llaith a chynefinoedd llaith eraill.

Nodweddion Adnabod Allweddol

• Planhigyn blynyddol tal (hyd at 2m) gyda blodau pinc persawrus.

• Yn tyfu mewn clystyrau trwchus.

• Dail main ag ochrau danheddog yn tyfu ar goesau sy’n wag a brau ac yn aml yn binc-goch.

• Ddiwedd yr haf mae pennau hadau aeddfed yn ffrwydro. Yn y gaeaf gellir ei adnabod o’i weddillion sy’n debyg i wair a gwreiddiau parhaus, unigryw.

Dosbarthiad

Yn eang ac yn gyffredin ledled y DU cyfan.

Effeithiau

Yn disodli rhywogaethau brodorol trwy ffurfio clystyrau trwchus, a all amharu llif afonydd a chynyddu'r risg o lifogydd. Gall gweddillion wedi gwywo dros y gaeaf adael glannau afonydd yn foel ac yn agored i erydiad.

Gair i Gall:

• Peidiwch â thorri'r gyfraith - Mae'n drosedd o dan Orchymyn Rhywogaethau Estron Goresgynnol (Gorfodi a Thrwyddedu) 2019 i blannu neu achosi tyfiant Jac y Neidiwr. Gallai hyn ddigwydd trwy symud pridd neu ddeunydd planhigion arall sy'n cynnwys hadau'r planhigyn.

• Peidiwch ag aflonyddu’r hadau. Cyn i bennau hadau aeddfedu, tynnwch â llaw a'i adael ar bapur i sychu neu dorri/strimio Jac y Neidiwr o dan y nod cyntaf a'i adael i sychu. Gellir ei gompostio neu ei losgi (yn unol â chyfyngiadau lleol) ar ôl ei sychu’n llwyr.

• Cofiwch gadw gafael ar Jac y Neidiwr yn ddiogel a’i waredu mewn safle gwastraff trwyddedig os yw am gael ei symud o'r safle.

Mwy o wybodaeth

Am fwy o wybodaeth, ymwelwch â'r GB Non-Native Species Secretariat website.